Reisa til Øye

I slutten av veke 29 2015, var det planen å køyra frå Molde via Hotel Union Øye og heim til Norheimsund.
Det vart det ikkje noko av. Difor var det desto viktigare for meg, å få gjennomført denne vesle reisa i Midt Norge, på slutten av veke 29 2016.
Kvifor veke 29?
Det er Moldejazz og dei siste åra har Thomas henta meg der. Det har blitt ei lita reise attende, kor me har besøkt stader me fann på undervegs.
Men Øye Union var planlagt. Både på grunn av at det er eit vakkert bevart  hotell fullt av historikk i veggene og fordi det ligg i ein heilt vill natur. Men også på grunn av min tidlegare kollega Kathrine Øye, som har vendt heim att til sitt kjære rike.

Reisa gjekk med buss, med nok ein buss, med ei ferje som eg ei stund var litt uroleg for ikkje skulle gå. Og til slutt ein minibuss, som berre går på kvardagar, køyrd av ein svensk sjåfør som har budd her i ca 25 år. Mykje ein får med seg som einaste passasjer. Ikkje rart at bussen kun går på kvardagar.

På vegen stansa me ved butikken på Urke, kor dei reklamerte for Fjell Bingo! Det var noko for meg – skap-bingo-spelar som eg er.

Og endeleg, der låg det! Hotel Union Øye!! Steikje! Eit hotell som fortel at dei sidan opninga i 1891 har vore ein stad der gjester har kome for å nyta stilla, roa og det gode livet i storslagne omgjevnader. Eit attraktivt reisemål for kongelege, forfattarar OG elskarar!  Intet mindre.

Og i resepsjonen vart eg møtt av Kathrine!  Det var særs hyggjeleg! Omkransa av levade ljos på alle kantar, var det som å tre inn i ei svunnen tid.

Thomas og eg hadde opprinneleg tinga Karen Blixen rommet. Men då det no var opptatt, vart eg innstallert i Roald Amundsen rommet.

Med Slogen i augnesyn frå senga og minnene om ein vintermann med utferdstrong, passa det eigentleg mykje betre.

Her er ikkje så mange vegar å ta sånn på sparket, men eg har no rusla meg ein tur i nærområdet. Har mellom anna funne Øye Brannstasjon – noko som er særs betryggjande når ein held til i eit trehotell.

I kveld er det duka for middag med påfygjande historiefortljing attåt kaffien. Eg gler meg! 

Enn så lenge, set eg i hagen med pc’en på eit marmorbord, ein tekopp og gler meg til å utforska meir i morgon.