Symje-EM

Det er eit aldeles fantastisk ver ute.
Nærare 25 grader i pluss og ikkje ei sky på himmelen.
Eg set inne og et middag.
Riktig nok med altandøra open.
Ikkje nok med at eg er innandørs, eg ser på tv også.
Symje-EM
Og det er heilt greitt.
Det er så vakkert.
Dei bevegar seg som delfinar i vatnet.
Spesielt i startstupet.
Og det går fort.
Kjempefort!

Men det er andre ting eg oppdagar, her eg set inne med 25 grader pluss ute.
Det må vera andre reglar i symjesporten no.
Den gongen me konkurrerte  i utebassenget på Voss,
vart me diska om me hadde hovudet under i bryst-symjing.
No har alle houdet under kvar gong armane går fram.
Og det er skikkeleg bra filma, så me får ein detaljert studie av teknikken.
Både oppå og under vatnet.

Hadde eg konkurrert under dei reglar som gjeld no,
ville eg fått det omtrent som eg ville.
Den delfinsymjinga i starten, for eksempel .
Nydeleg.

Me har vore utsett for enorme mengder nedbør.
(Det må forresten ha ført til auka fuktigheit på loftet.
Sidan den raude bunaden min har krympa, meinar eg).
Det ville då vera heilt naturleg å gå ut i sola og varmen
og tørka opp.
Få litt farge på dei blå-kvite leggene.
Få påfyll av d-vitamin.

Medan eg har skrreve dette, har sola gått ned.