Snø på Kvitingen, systrer og spontan sjølvantenning

Kvitingen har tatt vinterkåpa på.

Den skal vera på til juli 2012
Det er lang tid

Det er vakkert med frost
Me må fram med is-skraper og vintersko
Det likar me

Eller ikkje

Eg har hatt systrene mine på besøk
Det var fyrste gongen me var ilag

Berre me tre heilt aleina

Det var bra greier

Det var så bra at me har tenkt å gjenta det!

Det er noko med å verta kjend på nytt

No er me vaksne alle tre og har levd eit halvt liv
Me er like

og ulike

Me har gjort ulike ting i livet – men likevel innanfor same malen

Me feilar alt mogeleg – nett som foreldra våre

Lett fordelt

Akkurat det temaet vart veldebatert i løpet av den helga me var saman

Då kom eg på noko eg hadde høyrt på radioen

Eg høyrde eit seriøst program om spontan sjølvantenning
Dette er eit fenomen der ein person rett og slett brenn totalt opp

Heilt av seg sjølv
Det einaste som er att, er ein askehaug
Ingen ting rundt er brent

Kanskje litt sot i golv og tak direkte der askehaugen er

Seriøst?

Kan det gå an?
Nok ein ting å engsta seg for, om ein er ute etter slikt?

Korleis kan dette skje?

Stråling kombinert av stort feittlag og alkohol i kroppen?

Teoriane er mange

Og fleire vart dei då eg hadde systrene mine på besøk.