Dagen renn

Skoddo jadlar seg i liene
Då skal det etter sigende verta fint ver
Men i fylgje Yr  tek nok mammo sitt gamle verteikn feil denne gongen også

Eg har så mange tankar i hovudet
Dei stangar og vil ut
Eg har god tid til tankar

Den fyrste tanken som slår inn når eg vaknar
er tanken om borna mine
Så kjem tanken om kjærasten
Så lurer eg litt på kor eg skal på jobb denne dagen
Som potet i arbeidsmarknaden, er ikkje dette alltid ein selvfølge
Når det er på plass – er det berre å stå opp
Strekkja seg litt og stå opp

Eg må ha eit glas kaldt kokt vatn
Pillar av ymse slag vert inntatt
Omega 3, krill, ditt og datt
Hjelper det?
Mot kva?
Vannkjelen vert tømd og fyllt opp på nytt
Ei plate på omnen sett på 3
Müsli i skåla

Det er stille og roleg rundt meg
Bortsett frå radioen som står på
P2
Anne Synnevåg snakkar om eit funn av arten Australopithecus
Ein ny art av arten, for å vera nøyaktig
Australopithecus sediba
Ei mor og mest sannsynleg ein son i tenåra
Dei levde i Sør-Afrika for 1,7 – 1,9 millionar år sidan
Dette er såkalla nærmenneske
Men det er også gjort funn av urmenneske som levde for inntil 4 millionar år sidan!
Eg trur rett og slett at me kan ta det aldeles med ro når det gjeld dommedag
Om nokon har uroa seg, meinar eg

Dette minner meg også om krangelen med læraren min i sosialantropologi på gymnaset
Han var skråsikker på at dei mørkhuda menneska var ein mutasjon av dei kvite
Det hadde ingen fornuft i mitt 18-19 årige hovud
Heller ikkje i mitt 51 årige
Dette var allmenn oppfatning på 1920-talet
Men den gode Darwin hadde ikkje meint det
Han var samd med meg

Den fyrste oppvaskmaskina etter at gutane reiste, er ferdig
Det tok jammen tid å fylla den opp
To veker tok det
Kanskje eg rett og slett skal vaska opp for hand?