Tilbake

Har du kjent det?

Har du kjent den boblande gleda det er å ikkje gjera noko

Ikkje ha avtalar og forpliktelsar
Om sola skin eller det regnar – men det betyr så lite
Den eine boka etter den andre vert lesen

Det eine kryssordet etter det andre vert løyst

Om senga er hard, får ein sova
Angsten for å ikkje få nok søvn er fråverande

Skal ingenting i morgon likevel

Kvardagen
Der kjem den springande imot deg

Kvardagen
Ropar at du må ta stilling til noko
Må bestemma noko
Delta i det sosiale liv det er å vera ein innbyggjar på ein tettstad

Gå på butikken og helsa på folk
Stå opp om morgonen og leggja seg om kvelden

Henta posten og betala rekningane

Laga mat – eta mat
Og sova
Skal eg noko i morgon?